韓瘋雪糕系列 @ Halloween

韓國既蜂巢雪糕黎左香港一陣子，呢間係銅鑼灣既店唔只有蜂巢雪糕，
仲有棉花糖咖啡雪糕，趁 halloween 臨近，仲有特別版添，
黑色棉花糖上加上爆炸糖，配士多啤梨醬好特別，
仲有鬼形朱古力牌，氣氛夠晒

Honey Creme
銅鑼灣利園山道34號地下

如想更快知道我的分享, 歡迎讚好我的專頁 & Instagram
多謝支持^^



My Blog:
http://blog.ulifestyle.com.hk/blogger/leung3siu/

香港都有美味又抵食既蟹粥 ?

星期日有好朋友帶我去食好野 - 紅磡生記茶餐廳

唔好以為佢真係茶餐廳 , 佢夜晚係食小菜。

第一樣更係佢地既招牌菜 - 蟹粥 啦 , 真係鮮甜 , 我相信佢地係將隻蟹斬完之後立即放入煲粥度原煲滾起 , 咁 d 蟹味就完完全全留番晒係 d 粥度 , 不得不提既就係 d 蟹好多膏 , 如果有人食過十幾年前澳門既 誠昌 , 我相信呢度可以尋回昔日味道。話就話呢兜野 2 人份 , 但 3 個人食先最好囉 , 唔係好易飽晒。

 

  

 

第二樣 炸八爪魚丸 ,  第一啖咬落去 , 就知道有幾彈牙 , 而外面薄薄既皮好脆 , 入面

就有好多大大粒八爪魚肉 , 正 , 分別有6粒同12粒叫

第三樣 蠔仔春卷  , 一樣係外皮脆到不得了 , 粒蠔仔仍然保持到有肉汁 , 蠔味香濃 , 最少可以叫 2 條 , 人少少叫岩岩好。

第四樣 聖子  , 真係好大條 , 大約有手掌加埋 d 手指咁長 , 仲要係買 4 送 1 , 有冇咁低 , 而食蒸呢 d 貝殼類既海產 , 食之前第一件事就係飲啖係個殼度果 d 汁 , 嘩 , 真係鮮甜到你唔信 , 之後食埋 d 肉 , 你就知道頭先果 d 汁 , 真係由 d 肉滲出黎。

 

第五樣 冬蔭功蜆  , 份量都唔少 , 我唔太食辣 , 但個香味都夠香 , 我覺得佢地將原本落大蝦既冬蔭功 , 改為落大量既蜆 , 所以鮮味有過之而無不及。

 

  















第六樣 芝麻酥炸雞軟骨 , 呢碟野黎到感覺有少少反高潮 , 因為最細兜係佢 , 但睇番價錢 , 咁既份量係唔錯 , 而佢地粒粒都好大粒 , 比起出面果 d 真係大一倍 , 雞味都比出面果 d 突出 , 食到呢度要讚下佢地 d 炸野真係一流 , 3樣都係外脆內嫩。

第七樣 豉油王炒面  , 細細個已經食既一樣野 , 係呢度我先知道咩叫炒面 , 即叫即炒已經不在話下 , 仲要又平又大碟 , 再加埋好味呢下真係驚喜 , 佢炒得香而不燶 , 而且食落口係有淡淡豉油味 , 我真係食左大半碟。

第八樣只係普通既油菜一碟 , 又係大大碟 , 只係油太多 , 但 d 菜都係好甜既。
 

食得咁開心, 冇理由唔浪漫一下 , 都好低飲架。

而呢度埋單都只係五百幾 , 食海鮮真係可以唔駛去新界區啦。 

生記茶餐廳

地址: 紅磡老龍坑街13號地下

如想更快知道我的分享, 歡迎讚好我的專頁 & Instagram
多謝支持^^
  

My Blog:

http://blog.ulifestyle.com.hk/blogger/leung3siu/

炸雞熱潮過左未 ?

炸雞熱過左未我就未知 , 但中秋夜去食就冇人排隊喇。
呢間既係即叫即炸 , 份量其實係多 , 媲美韓國既。
仲配埋薯片 , 感覺抵食。
雞炸得香脆 , 只係有少少乾左 , 但唔錯既。
佢地會比兩款醬(一酸酸地 , 另一個辣辣地) , 點唔點食都得。
仲有叫左個芝士蛋卷 , 芝士味濃 , 又係加埋 d 酸醬好惹味 , 同埋夠大碟。

Fairyland Korean Chicken
地址:尖沙咀柯士甸路28地舖

如想更快知道我的分享, 歡迎讚好我的專頁 & Instagram

多謝支持^^

My Blog:
http://blog.ulifestyle.com.hk/blogger/leung3siu/