梁三少

2015年5月25日星期一

失望的韓食新店

屯門華都花園商場開左新韓食 Oppa Yoli 韓吧料理
因為試業中，所以營業時間只係 1800-2200。
我去到大約6點45分，拿了飛等位，是1號籌，而職員說到會 call 我，叫我去行一陣，不過我7點15分已經返回去，亦有通知職員我們回來了，職員說1號籌未叫，咁我地就門外等。
等多20分鐘，有客人走，應該是叫1號籌，但職員叫的是5號，我很愕然，立即問1號幾時叫了，另一職員說之後曾打給我打不通，但剛剛我們來到你們說1號籌未叫?
當然沒回答就叫我們進去坐，不過在我們用餐時，他們叫籌都是先叫在場的，在場的客人安排晒才打給留電話的客人，原來不是先到先的，而且也聽到他們不是要求所有客人留電話，我原全的猜不透，亦到這安排十分失望。

食物方面，岩漿炒飯是可以的，蛋槳夠多，芝士亦多，都係78蚊，價錢同味道都比尖沙咀的好好多。

芝士蛋卷（68蚊）也不錯，但炸雞就78蚊半份，但就的5件之餘，又細舊，原全唔值，味道又唔突出。

或者只是試業中，絕對好壞參半，希望之後有改善。

Oppa yoli 韓吧料理

屯門華都花園商場一樓2及3號鋪

歡迎讚好我的專頁 & Instagram
多謝支持^^

My Blog:
leung3siu.blogspot.com

2015年5月20日星期三

銅鑼灣樓上浪漫食店之選 PART 2

上星期4 食完一次 Donkey & Sheep 後 , 星期6 再去食一次 , 呢次好 sad , 因為見唔到亞姐係樓下派 9 折卡。不過點解咁快再食一次 , 就係星期 4 果日 . 身邊左右果 2 枱客人都叫左個酥炸鹵水春雞 , 嘩 ,香到呢 , 所以決定要快 d 再食一次。

所以一黎到 , 就二話不說咁立即點呢個 set dinner 有既菜式喇 , 而且仲叫左個 all day breakfast 同白酒煮蜆。

呢次都一樣我選擇左湯 , 呢次有 d 失望 , 因為太多 cream 喇 , 唔太有南瓜味 , 亦都冇晒黑椒係入面 , 令到個湯冇晒層次。

唔緊要 , 呢次個主菜先係主角 , 個酥炸鹵水春雞黎到 , 果然香噴噴呀 , 雖然得半隻 , 都 size 都 ok 大 , 仲有薯條配上 , 都夠飽既 , 叫得酥炸 , 我一心都覺得佢個皮應該係脆架嘛 , 可惜唔係 , 不過肉質入味嫩滑 , 放過佢啦。

all day breakfast 呢度都有兩個價錢選擇 , 我地叫左個貴($118) , 比平既呢係多左兜柚子玫瑰沙律同個多士用左藍芝士加上玫瑰花瓣 , 呢間野都幾興用玫瑰花瓣加落 d 菜式度。柚子玫瑰沙律相當清新 , 但冇咩突出感 , 而個多士就相當美味 , 夠脆, 芝士厚度配合成個口感岩岩好 , 另一個差左少少既係個炒蛋有點過熟喇。

個白酒煮蜆 ($48) 都低食架 , 因為隻隻蜆都大隻 , 個汁味道都 good , 帶有少少酒味。

而野飲我就叫左個海鹽焦糖咖啡 , 感覺好得意 , 咸咸地之餘又真係有焦糖味 , 而咖啡味又冇被覆蓋 , 厲害。

肥熊呢次飲花茶 : 紫露凝香 , 雖然只係一個壺仔 size , 但茶葉既份量完全冇偷懶 , 所以一打開個蓋 , 可以話香氣四溢 , 飲一口成個人真係 relax 晒。

呢次又有甜品送 , 朱古力 cake , 感覺同上次既差不多 , 但層次就豐富 d , 朱古力味都重好多。

銅鑼灣樓上浪漫食店之選 PART 1

Donkey & Sheep
銅鑼灣耀華街1-3號百樂中心13樓1303室

歡迎讚好我的專頁 & Instagram
多謝支持^^

My Blog:
leung3siu.blogspot.com

2015年4月29日星期三

銅鑼灣樓上浪漫食店之選 PART 1

又係介紹新食店既時間喇 , 呢間食店開業都係一星期多 d 咋 ,

我已經食左兩次 , 點解既 ? 點解既 ? 點解既 ?
Donkey & Sheep係耀華街 3 號百樂中心 13樓 , 環境好好 , 令人好 relax 好舒服 ;
可能地方唔大 , 都係得 30個位左右 , 所以服務真係好好 ;
每張枱面又係有樽糖仔 , 怕你地餓得濟 ;
而第一次去 , 去到等 lift 時 , 咁岩有姐姐係樓下派九折卡 , 更加冇唔試既道理。

第一次黎 , 就叫左兩份 set dinner , 探探路先。
首先黎個餐湯同沙律揀 , 我地都選擇左湯 , 係南瓜湯黎 ,
豐富既南瓜肉 , 有香濃既南瓜味之餘 , 仲有黑椒係入面 , 飲完冇膩既感覺。

主菜 , 一個肥熊最愛既美國安格斯肉眼 , 都好大塊架 , 雖然比我 order 既五成 over 左少少 ,
但肉汁仍然充足 , 牛味又有 , 食既時候真係唔需要點燒烤醬都好好味。

另一個就係我近期最愛既黑松露雜菌意大利飯 , 份量夠 ,
意大利飯有咬口 ,不過黑松露看似好多 , 但香味並唔突出。

食食下 , 肥熊又話想食炸魚薯條 ($48) , 咁我地又叫一個啦 ,
炸魚既係粉比較多左少少 ,但 d 魚唔似一般既魚柳 ,
應該入面仍然食到有魚皮 , 而且新鮮熱辣 ,
魚肉亦沒有過老 , 薯條好多 , 正。

餐飲選擇都好多 , 大部份都唔需要額外加錢 , 我點左個意式酒香鮮奶咖啡 ,
完全飲到酒既味道 , 但冇酒既苦味 , 完全係 prefect match , 加上大量既 cream , 大滿足。

而肥熊揀左玫瑰朱古力 , 又係勁濃郁朱古力既味道 , 加上玫瑰花瓣點綴 , 真係好吸引。

另外即場打卡仲有甜品送添。

而我一星期內第二次光顧時又試左Ｄ咩呢，可以留意下一篇 PART 2

銅鑼灣樓上浪漫食店之選 PART 2

Donkey & Sheep
銅鑼灣耀華街1-3號百樂中心13樓1303室

呢個星期我的專頁會有抽獎活動，大家密切留意，唔好走寶。

歡迎讚好我的專頁 & Instagram
多謝支持^^

My Blog:
leung3siu.blogspot.com

2015年4月28日星期二

香港特色小店系列之銅鑼灣鬧市中的一間休閒CAFE , 這裡是不設服務

香港既租金已經係世界知名，有特色既小店生存空間愈來愈小。

但銅鑼灣區居然仲可以一間咁有特色既樓上咖啡店，作為香港人，應該去支持下。

今次就介紹間樓上特色 cafe : 香港郵意明信片主題咖啡廳
佢既位置係駱克道 503號 , 近港鐵 C 出口 , 大家可以係地下見到佢地既宣傳牌 , 但佢地店舖位於唐樓3樓 , 行上去真係會氣喘既。

呢度好多有關寄信既野 , 有postcard , 明信片 , 郵筒都有兩個 , 呢度仲會代客人寄信 , 大家可以一邊飲野 , 一邊坐 , 然後買張明信片 , 慢慢咁寫 , 之後寄比 d 好朋友 , 真係一條龍服務。
地方雖然細細 , 但坐得真好 free , 仲有露台可以坐 , , 我相信老闆係年輕人黎 , 因為個營業時間話 : 訓醒就開 ; bar 枱又係有好多得意既文字 , 好有創意。

野食既價錢都正常 , All Day Breakfast 都有2款選舉 , 我叫左呢份係平既 , 78蚊 , 我好欣賞個麥包 , 好好食。

而叫多一個螺絲粉都係 68蚊 , 但粉既份量都好足 , 味道都唔錯。
仲叫左一壺薰衣草既花茶 , 大大壺 , 2個人飲都夠晒。

btw , 呢度仲有好多佔銅時既圖片 , 我相信店主既立場都幾明顯。仲有呢度食飽飽 , 就自己收拾下餐具喇 , 店主都有寫 : 有錢唔係大晒。